कविता

मसान राज्य

सुरेश हाचेकाली


राष्ट्रिय 'हेयरलुम' जस्तो मानेर
यो सृजनशील अधिराज्यमा
हामीले शताब्दीयौंसम्म
रक्तपिपासु, स्वेदपिपासु
बीरमसानको खलनायकत्व
शिरोपर गरेर मौन हिडिआएछौं ।

यी समसामयिक मान्छेहरूसँग
आधुनिक स्पन्दन
र आदिम धुकधुकी
दुवै छ

तर पनि
एक्काइसौं शताव्दीको छकालमा
यी जीवन्त मान्छेहरूमाथि
किन शासन गर्छन्
यी 'डेट एक्स्पायर्ड' मसानहरू ?
बिना टाउकोका मसानहरूले
हाम्रा दर्जनौ पुस्ताहरू फटाइदिए
नाङ्गै, भोकै र रोगी भएर
हामी युरो-अमेरिकी उत्तरआधुनिकता घोकिरहेछौं ।
यो आकुलव्याकुल
काकाकुल कर्मभूमिमा
मुरीमुरी रगतपसिना पोखिएको छ
यहाँ,
मान्छेका शरीरबाट पोखिएको
रातो रगतका भूमिगत तलाउहरू छन्
यहाँ,
मान्छेका जीवन्त निधारबाट पोखिएको
नीलो पसिनाका गहिरा पोखरीहरू छन्
यी पोखरी र तलाउहरूमा
मसानको बडेमान जनसंख्या
ग्रीष्मकालीन जलबिहार गर्दछ ।


२९ चैत्र, २०६२

2 :: प्रतिक्रिया:

Unknown said...

bro ko kabita ta dami 6 ni h0. keep continue.

Anonymous said...

a college kalam chalune kata kati haru ho ! kati susta vako timaharu ali chado chado blaog update garana


KAALPATRA

Post a Comment

 
Design by Wordpress Theme | Bloggerized by Free Blogger Templates | coupon codes