गीत

टीका चाम्लिङ

शहर किन नबसेको, भन्छन् सबै साथीभाइ
म त भन्छु सकिएन कस्न आफ्नै छातीलाई

गाउँबाटै शुरु भयो, मेरो आवाज गीत-सङ्‍गीत
पूर्णिमाको रातसरि मेरो समाज मेरो अतीत
रहर किन नफेरेको भन्छन् सबै साथीभाइ
म त भन्छु सकिएन साट्‍न आफ्नै छातीलाई

पानी पिउनै गाह्रो त्यहाँ, फेर्दा सास धुमिल धुवाँ
कहाँ पाउनु रमितेको चिसो बतास सिमको कुवा
कहर किन नखेपेको, भन्छन् सबै साथीभाइ
म त भन्छु सकिएन ढाट्‍न आफ्नै छातीलाई

खोटाङ, नुनथला

हालः काठमाडौँ

Posted in: गीत